Ny storsiger for Stryn 2

Geir Inge Rake og Stryn 2 har fått ein kanonstart på haustsesongen! 

Etter 4-0 heime mot Haugen forrige veke var det tysdag klart for bortekamp mot Flatraket/Selje 2 i 6.div avd 4. Det tok nesten ein heil omgong før fyrste scoring, men Simen Reed Hopland sørga for at Stryn 2 kunne ta pause med 1-0 leiing med si nettkjenning like før pause.

Stryn 2 fortsatte presset etter kvilen og scoringar av Saeed Tajik, Johannes Fredheim og Mohamed Said sørga for at gjestane leia 4-0 før Hopland vart 2-målsscorar og fatsatte sluttresultatet til 0-5 etter 82 min. 

Fortent siger til Stryn 2 som fortsatt tronar øverst på tabellen med 3 poeng ned til Måløy 2 på andre plass. 

                              Johannes Fredheim fekk med seg både scoring og gult kort heim frå Flatraket tysdag kveld.